Бишкекте автобус бакты сүзүп, 5 адам жабыркады

Бүгүн, 15-ноябрда Бишкекте №48 автобус маршруттук каттамда бара жатып кырсыкка учурап, 5 жүргүнчү жабыркады. Бул тууралуу Милициянын кайгуул кызматынан билдиришти.

Кабарлангандай, кырсык Жибек-Жолу көчөсүндө болгон. Анда аталган автобус Батыш автобекетинде чыгыштан батышка бара жаткан жолдо айдоочу К.К. унаанын рулуна ээ боло албай, жолдун жээгиндеги бакты сүзгөн.

Алдын ала маалымат боюнча, кырсыктын кесепетинен 5 жүргүнчү жабыркаган.