Чек ара: Кыргыз-тажик жумушчу топторунун кезектеги жолугушуусу болду 

Баткен шаарында Кыргызстан менен Тажикстандын өкмөттүк делегацияларынын кыргыз-тажик мамлекеттик чек арасын делимитациялоо жана демаркациялоо боюнча топографиялык жумушчу топторунун кезектеги жолугушуусу болуп өттү. Бул тууралуу Кыргыз өкмөтүнүн маалымат кызматынан билдиришти.

Маалымдалгандай, 11-ноябрдан 17-ноябрга чейин өткөн.

Топографиялык жумушчу топтор калган участоктордогу кыргыз-тажик мамлекеттик чек арасынын долбоордук сызыгын сыпаттоо маселесин талкуулашты. Эми бул иш Тажикстандын аймагында өтө турган кийинки отурумда каралат.

Жолугушуунун жыйынтыгында тиешелүү протоколго кол коюлду.