Казак блогери Бота: “Сахнага биринчи жолу ырдап чыктым”

Жаш ырчы Калыс Жакыповдун концерти анын шоу-бизнестеги досторунун катышуусунда өттү. Эң эсте калганы ырчынын казак блогери Бота Миа менен аткарган дуэти болду.

“Аябай толкунданып турам. Анткени биринчи жолу чоң сахнага ырдап чыктым. Негизи мен бийчи болгондуктан буга чейин чоң сахнага бийлеп гана чыкчумун. Бүгүн Калыс Жакыповдун арты менен Кыргыз элинин алдында бийледим, ырдадым. Калыс мага “Эх, гүлүм” чыгармасында бийлеп чыгышымды суранган, кийинчерээк бирге дуэт аткарууну сунуштады. Мен ойлонбостон Калыстай профессионалдуу ырчы менен бирге ырдаганга макул болдум”, - деди казак блогери.

Ботанын айтымында, ырдын аталышын “Сүйөмүн билесиң” деп ал койгон.

“Ырдаган мен үчүн кыйын болду. Миң жолу жаздырып, бир күн кечке убара тарттым” ,- деген блогер ырчы Калыс Жакыпов мыкты адам экенин белгилеп, анын чыгармачылыгына албан ийгиликтерди каалады.