Ырчы Калыс Жакыповдун тушоо кесүү концертинен репортаж (видео)

SUPER.KG порталынын кабарчылары ырчы Калыс Жакыповдун жандуу үн менен койгон алгачкы жеке концертинде конокто болду. Концерт жогору деңгээлде өтүп, күйөрмандары, колдоочулары, угармандары тарабынан мактоолор айтылып жатты. Кеченин эң негизги конокторунун бири Казакстандан келген блогер Бота болду. Ал Калыс Жакыпов менен биргеликте эң биринчи дуэт ырдап чоң сахнага чыккандыгын жана толкунданганын айтып өттү.

“Аябай толкунданып турам. Анткени биринчи жолу чоң сахнага ырдап чыктым. Негизи мен бийчи болгондуктан буга чейин чоң сахнага бийлеп гана чыкчумун. Бүгүн Калыс Жакыповдун арты менен Кыргыз элинин алдында бийледим, ырдадым. Калыс мага “Эх, гүлүм” чыгармасында бийлеп чыгышымды суранган, кийинчерээк бирге дуэт аткарууну сунуштады. Мен ойлонбостон Калыстай профессионалдуу ырчы менен бирге ырдаганга макул болдум”, - деди казак блогери.

Концертти толугу менен видеодон көрүңүз.