Бишкекте маршруткалар толугу менен каттамдан качан алынат? Министрдин орун басары жооп берди 

Келе жаткан жылдын апрель айына чейин Бишкек шаарындагы жүргүнчүлөрдү ташуучу бардык кичи автобустар электроавтобустар жана газ менен жүрүүчү автобустарга алмаштырылат. Бул тууралуу жаратылыш ресурстары, экология жана техникалык көзөмөл министринин биринчи орун басары Медетбек Маметов бүгүн, 8-декабрда маалымат жыйында билдирди.

Анын айтымында, декабрь айынын башында Бишкек жүргүнчүлөрдү ташуучу автотранспорт ишканасы 744 автобус алып келген.

"2024-жылдын апрелине карата автобустардын саны 1500 бирдик жана 120 электробусту түзөт, алардын ар бири 4 дизелдик автобусту алмаштырып, 90-100 тонна дизелдик отундун күйүүсүн жокко чыгарат", — деди министрдин орун басары.

Мындан тышкары ал бул жылдын аягына чейин муниципалдык электр такчилерди 120 бирдикке жеткирүү пландалып жатканын белгиледи. Азыркы учурда алардын саны 20ны түзөт.