Медина шаарына элечек кийип барган кыргызстандыктар көпчүлүктү суктандырды (видео)

Медина шаарына умрага барган кыргызстандык аялдар баштарына элечек кийип, көпчүлүктү суктандырышты. Мындай видеону алып баруучу Айзада Жамгырчиева жарыялады.

Анда умрага барган кыргызстандык аялдар баштарына элечек кийип, шаар аралашкан. Жолдон көпчүлүк адамдар элечекке суктанып, айрымдары сүрөткө түшүшкөн.

6-декабрда элечек ЮНЕСКОнун маданий мурастар тизмесине катталган.

Элечек - аялдардын баш кийимдеринин бир түрү. Ак кездемеден тегерете кат-кат болуп оролгон бул баш кийимдин баш кеп, сала коймо, ээк алмай, астыңкы жана үстүңкү тартма, тумарча, бадал сыяктуу негизги түрлөрү бар.

Аны айымдар турмушка чыккандан тарта кийип баштаган.

Элечек кышы-жайы дебей аялдардын башынан түшкөн эмес.