Ошто уюшкан кылмыштуу топтун мүчөсү бейбаштыкка шектелип кармалды

Ошто бейбаштыкка шектелген уюшкан кылмыштуу топтун мүчөсү кармалганын бүгүн, 12-декабрда Ички иштер министрлигинен билдирди.

Маалыматка ылайык, милицияга 29-ноябрда Ош шаарынын көчөлөрүнүн биринде бир жаран жергиликтүү тургунду сабап салганы тууралуу маалымат түшкөн. Анын натыйжасында жабырлануучу денесинен жаракат алган.

Бул факты боюнча Кылмыш-жаза кодексинин 280-беренесине (Бейбаштык) ылайык кылмыш иши козголгон.

Кылмышка шектүү катары 1995-жылы туулган А.Т. кармалып, убактылуу кармоочу жайга киргизилди.

Учурда тергөө иштери уланууда.

Кармалган жарандын мурда соттолгону жана уюшкан кылмыштуу топтордун биринин мүчөсү катары ИИМдин каттоосунда турары кошумчаланды.