Президент Алмазбек Атамбаев ар бир үй-бүлөдө жок дегенде бир киши иштөөсү үчүн улуттук стратегияны алып чыккандыгын айтты

Президент Алмазбек Атамбаев Германияга болгон сапарынын алкагында Конрад Аденауэр атындагы фонддун талкуусуна катышып жатып, өлкө ичиндеги жаштарды үмүттөндүргөн Кыргызстандагы ири экономикалык долбоорлор тууралуу суроо берилди.

Ага өлкө башчысы: "Жакында эле беш жылды камтыган улуттук стратегияны алып чыктык. Жылдын башынан бери түрдүү мамлекеттерге барып, жол картасына ишке ашчу долбоорлорду караштырып жүрдүм. Алардын кээ бирин атай өтсөм, бул - ГЭСтердин курулушу, ал миңдеген жумуш орундарын камсыз кылат. Ошондой эле, ири ирригациялык долбоорлор каралууда, жыл сайын 10 миң гектар сугат жерин иштетүүгө берүүнү карап жатабыз. Картаны иштеп чыгуунун максаты - мегадолбоорлор болушунда деле эмес, элге жумуш берүү болуп саналат. Биз жок дегенде, бир үй-бүлөдө бир киши иштесин деп жатабыз",- деп жооп берди.

Ошондой эле Алмазбек мырза Кытай-Кыргызстан-Өзбекстан темир жолуна токтолуп, бул сыяктуу чоң-чоң долбоорлор Орусиянын да, Кытайдын башчылары менен макулдашылганын айтты. "Албетте, мындай мегадолбоорлордун Германия менен да болушун каалайт элек",- деди Атамбаев.