34 кесиптик лицей жана колледж компьютердик техника менен камсыздалууда 

Билим берүү жана илим министрлиги, Азия өнүктүрүү банкынын колдоосунда ишке ашырылып жаткан “Секторду өнүктүрүү программасы: Инклюзивдүү өсүү үчүн көндүмдөр” долбоорунун алкагында, 34 башталгыч жана орто кесиптик билим берүү мекемелерин жана Республикалык илимий методикалык борборду 695 миң 142 доллар өлчөмүндөгү компьютердик техника менен камсыз кылат. Бул тууралуу аталган министрликтен билдиришти.

Маалыматка ылайык, 20 билим берүү мекемесинде компьютердик класс жана конференц зал, 7 кесиптик лицейде компьютердик класс толугу менен заманбап техника менен жабдылат. Ал эми 8 алдыңкы тажрыйба борборуна жарым өнөр жай 3D-принтер сатып алынат.

"Жана аталган окуу жайлардын окутуучулары үчүн жаңы жабдуулар менен колдонуу боюнча окутуу уюштурулат",- деп аталат маалыматта.