Өлкө 60 чет өлкөлүк жаранга пенсия чегерди

Өлкө ЕАЭБдеги макулдашуунун алкагында 60 чет өлкөлүк жаранга пенсия төлөйт. Бул тууралуу бүгүн, 9-февралда Социалдык фонд билдирди.

Маалыматка караганда, Орусиянын 51, Казакстандын 8 жана Беларустун 1 жаранына пенсия чегерилген. Ал эми Орусия биздин 33 жаранга пенсиянын бир бөлүгүн чегерген.

Эске салсак, 2019-жылдын 20-декабрындагы Евразия экономикалык бирлигине мүчө мамлекеттердин эмгекчилерин пенсиялык камсыздоо жөнүндөгү макулдашуусу 2021-жылдан тарта күчүнө кирген. Ага ылайык, ЕАЭБге мүчө мамлекеттер: Кыргызстандын, Казакстандын, Орусиянын, Армениянын жана Беларустун жарандары ЕАЭБ аймагында эмгекчи болуп саналат.