Кыргызстан Түркиядагы эң ири онлайн соода жүргүзгөн компаниялар менен кызматташат 

Министрлер кабинетинин төрагасы Акылбек Жапаров Түркиянын Анкара шаарына болгон расмий сапарынын алкагында электрондук коммерция боюнча “Trendyol” логистикалык борборунун ишмердүүлүгү менен таанышты.

Өкмөттүн маалымат кызматынан билдиргендей, Жапаров аталган логистикалык борбордун өкүлчүлүгүн Бишкек шаары менен Чүй облусунун аймагына ачууну жана өлкөдө онлайн соода жүргүзүү ишин жандантууну карап чыгуу тапшырмасын экономика жана коммерция министрине берди.

"Ал эми “Trendyol” компаниясынын жетекчилиги Кыргызстандын 50 миңге жакын жараны тиркемени уюлдук телефонго жүктөгөнүн, ошол себептүү ар тараптуу кызматташууга кызыкдар экенин билдирди.

Белгилей кетсек, “Trendyol” Түркиядагы эң ири онлайн соода жүргүзгөн компания, мында 18 миллион товардын түрү бар. Күнүнө дүйнөнүн 30 миллиондон ашуун сатып алуучуларын тейлейт. Кытайдын “Alibaba” компаниясы “Trendyol” компаниясынын 86 пайыз акциясына ээ", - деп айтылат маалыматта.