"94 баш малды алып киргенге аракет кылган". Баткенде аткезчилик жол менен мал алып кирген жаран кармалды

Лейлек районуна коңшулаш аймактан аткезчилик жолу менен мал алып кирген жаран аныкталып, кармалды. Бул тууралуу бүгүн, 13-февралда Баткен ОИИБден билдиришти.

Маалыматка ылайык, Кулунду айыл аймагына караштуу Булак-Башы айылынын “Курсай” деген участкасында 8-февралда түнкү саат 05:40 чамасында 53 баш кой, 41 баш козусу менен коңшу өлкөдөн Кыргызстанга өткөрүп жаткан жеринен Раззаков шаарынын Чимген айылынын 26 жаштагы М.О. аттуу тургуну кармалды.

"Аталган кылмыш иши Кылмыш-жаза кодексинин 231-беренесинин (Экономикалык контрабанда) негизинде катталып, сотко чейинки өндүрүш иши башталып, кармалган жаран тергөө кызматына өткөрүлүп берилди", - деп айтылат маалыматта.

Учурда тергөө иштери жүрүп жатат.