Президент Садыр Жапаров Бангладештин премьерине көңүл айтты

Мамлекет башчысы Садыр Жапаров Бангладештин премьер-министри Шейх Хасинага Даккадагы өрттө адам өлүмүнө байланыштуу көңүл айтуу телеграммасын жөнөттү.

"Ушул жылдын 29-февралында Дакка шаарындагы соода борборунда болгон ири өрттүн кесепетинен көптөгөн адамдар каза болду жана жабыркады деген суук кабарды терең кайгыруу менен кабыл алдым. Каза болгондордун туугандарынын жана жакындарынын аза кайгысын тең бөлүшүп, Кыргызстан элинин жана жеке өзүмдүн атымдан көңүл айтам, ал эми жаракат алгандардын тезирээк сакайып кетүүсүн каалайм", - деп айтылат телеграммада.