Акылбек Жапаров Артыш шаарындагы маданий борборго барды

Министрлер кабинетинин төрагасы Акылбек Жапаров Кытайдагы иш сапарынын алкагында Кызыл-Суу кыргыз автоном облусунун Артыш шаарындагы маданий борборго барды. Бул тууралуу бүгүн, 2-мартта Маданият, маалымат, спорт жана жаштар саясаты министрлигинен билдиришти.

Ага ылайык, маданий борбордо төрагага Кызыл-Сууда отурукташкан элдердин, анын ичинде кыргыздардын тарых таржымалын айтып беришти. Ошондой эле ал тарыхый экспонаттар, кызыл-суулук кыргыздар колдонгон буюмдарды көрүп чыгып, Манас эпосуна арналган атайын музей менен таанышкан.

Жапаров баштаган Кыргыз делегациясына улуттук аспаптар менен чыгармалар тартууланып, Манас эпосунан үзүндү айтылганы кошумчаланды.