Ош. Кара-Суу районундагы 57 бала бакчада 6217 бала тарбияланат

Кара-Суу районунда учурда 57 бала бакча иштейт. Алардын ичинен 1 муниципалдык, 6 менчик, 6 жамааттык, 1 атайын дүлөй балдар үчүн балдар бакчасы, 1 үй-бүлөлүк балдар үйү, 42 бюджеттик балдар бакчалары иштеп жатат. Аталган балдар бакчаларында жалпы 214 тайпада 6217 бала тарбияланат. Район боюнча мектеп жашына чейинки балдардын саны 33 миң 903тү түзөт. Бул тууралуу кечээ, 18-декабрда өкмөттүн Ош облусундагы өкүлчүлүгүнүн чыгарган жыл жыйынтыгында белгилүү болду.