Бишкекте уурулук кылган жаран камерага түшүп калган. Ал кармалды (видео)

Бишкекте уурулукка шектүү жаран кармалды. Бул тууралуу бүгүн, 27-мартта Свердлов РИИБинен билдиришти.

Маалыматка ылайык, 23-мартта милицияга Ы.В. аттуу жаран арыз менен кайрылган. Ал 17-мартта Чыгыш-5 кичи районунда жайгашкан көп кабаттуу үйлөрдүн подьезддеринин биринде белгисиз жарандар жашыруун түрдө кулпуну сындырып, 25 миң рубль турган Мерседес-Бенц үлгүсүндөгү велосипедди уурдап кетишкенин айткан.

Бул факт боюнча Кылмыш-жаза кодексинин 205-бересине (Урдоо) ылайык кылмыш иши козголгон.

Шектүү катары 2002-жылы туулган З.Б. аттуу жаран кармалып, убактылуу кармоочу жайга киргизилген.

Учурда тергөө амалдары уланууда.