УКМК Ала-Буканын "безпредельщигин" кармады

Жалал-Абадда "безпредельщик" атыккан жаран кармалды. Бул тууралу бүгүн, 2-апрелде Улуттук коопсуздук мамлекеттик комитети билдирди.

Маалыматка ылайык, атайын кызматка Ала-Бука районунун тургундарынан кайрылуулары келип түшкөн. Даттанууларга караганда өзүн криминалдык авторитет катары көрсөткөн, 1971-жылы туулган А.О.С. жергиликтүү коммерциялык жайлардын ээлерине карата туруктуу күч колдонуп келген.

Шектүү 1-апрелде кармалып, убактылуу кармоочу жайга киргизилген.

Мындан тышкары анын жашаган жерине тинтүү жүргүзүлүп, уруксат берүүчү документтери жок ок атуучу курал табылган.

"Ал мурда "бейбаштык" боюнча 4 жолу, "адам өлтүрүү" боюнча 1 жолу соттолгон", - деп айтылат маалыматта.

Учурда тергөө иштери жүрүп жатат.