Бишкекте жоогазынды үзгөндөр аны сатып жаткан жеринен кармалышты (видео)

Бишкек шаарындагы сейил бакта жоогазындарды түнү менен жулуп кеткен жарандар гүлдү сатып жаткан жеринен кармалышты. Бул тууралуу Бишкек шаардык ички иштер башкармалыгынан билдиришти.

11-апрелден 12-апрелге караган түнү Бишкек шаарынын Биринчи Май районундагы “Дубовый паркында” муниципалдык менчиктин жоогазын түрүн уурдо фактысы катталды. Аталган факт Бишкек шаарынын Биринчи Май РИИБге катталып, тергөөгө чейинки текшерүү иштери башталган.

"Мурда кылмыш жолу менен алынган жоогазындарды сатып жаткан жеринен 1996-жылы туулган Ш.С. жана 1977-жылы туулган К.Н. аттуу жарандар аныкталып, кармалып, райондук башкармалыктын Тергөө кызматына жеткирилишкен. Учурда тергөө иштери уланууда", - деп билдиришти шаардык милициядан.