Бишкекте бардык коомдук транспорттор текшерилди

Борбор калаада коомдук транспортто рейд жүргүзүлдү

"Бишкек троллейбус башкармалыгы" жана "Бишкек жүргүнчүлөрдү ташуучу автотранспорт ишканасы" муниципалдык ишканалары шаардагы троллейбустардын тейлөө сапатын көзөмөлдөө боюнча масштабдуу рейд өткөрүштү.

Бул ишканалардан 120дан ашык кызматкер санитардык нормаларды сактоо, транспорттун техникалык абалын текшерүү, айдоочулардын жарактуу талондору бар-жогун текшерүү, ошондой эле жол кыймылынын аралыгын, жүргүнчүлөрдүн агымын жана төлөм ыкмаларын, анын ичинде Qr-код аркылуу төлөмдөрдү көзөмөлдөө максатында линияга чыгышкан.

Qr-код аркылуу жол акысын төлөгөн жүргүнчүлөргө өзгөчө көңүл бурулууда, анткени мындай учурларда мыйзам бузуулар көп кездешүүдө.