Нарында тобокелдиктин алдын алууга көзөмөл жүрүүдө

ӨКМдин орун басары Урматбек Шамырканов Нарын облусундагы иш сапарында болду. Бул тууралуу бүгүн, 1-майда ӨКМден билдиришти.

Маалымдалгандай, ал апрель айынын үчүнчү он күндүгүндөгү жаанчыл күндөрү кыска убакытта кыян алган Нарын районунун Учкун айыл аймагына караштуу Куланак айылында болуп, сел каптоонун себептери менен жеринде таанышты.

Белгилей кетсек, өзгөчө кырдаалдар министри Бообек Ажикеевдин тапшырмасы менен өлкө аймагындагы кооптуу аймактардан кабар алуу, селдин алдын алуу бекемдөө иштери текшерилүүдө.