Борбордо Бишкектин 2025-жылга чейинки өнүктүрүү программасы талкууланат

14-майда борбордо Бишкектин 2025-жылга карата социалдык-экономикалык өнүктүрүү программасы жана 2026-2027-жылдарга болжолунун долбоору боюнча коомдук угуулар өтөт.

Мэриянын маалыматына ылайык, иш-чара саат 10:00дө Байтик баатыр көчөсү, 17 дарегиндеги “Таберик” балдар музыкалык театрынын залында өтөт.

Белгилей кетсек, талкууга Бишкек шаарынын мэриясынын жетекчилиги, мэрияга караштуу түзүмдүк бөлүмдөрдүн жетекчилери, район жетекчилери, активдүү жарандар, коомдук уюмдардын эксперттери катышат.