Акылбек Жапаров Мишустинди Орусиянын өкмөт башчысы болуп дайындалышы менен куттуктады

Министрлер кабинетинин төрагасы Акылбек Жапаров Михаил Мишустинге Орусиянын өкмөтүнүн төрагасы кызматына кайрадан дайындалгандыгына байланыштуу куттуктоо катын жолдогонун өкмөттүн басма сөз кызматынан билдирди.

“Сиздин жогорку ишмердүүлүгүңүз жана жеке сапаттарыңыз Орусиянын мындан аркы гүлдөп-өсүшүнө жана орусиялыктардын жыргалчылыгынын өсүшүнө багытталган пландарды ийгиликтүү ишке ашырууга көмөктөшөт деп ишенем. Биздин элдерди байланыштырып турган кылымдардан бери келе жаткан достук байланыштар союздук мамилелердин кыргыз-орус стратегиялык өнөктөштүгүнүн прогрессивдүү өнүгүшү үчүн ишенимдүү негиз болуп саналат. Эки тараптуу кызматташуу боюнча маселелерге кирген кеңири спектр тууралуу биздин өлкөлөрдүн өз ара аракеттенүүсү өзгөчө канааттандырарлык”, - деп айтылат анда.

Жапаров Мишустинге бекем ден соолук, бакубатчылык жана мамлекеттик ишмердигине ийгиликтерди каалаган.