"Кыргызстанга кош кел!". "D Billions" Кыргызстан тууралуу ырга клип тартты

Кыргызстанда эле эмес, дүйнөнүн көптөгөн өлкөлөрүндө популярдуу болгон "D Billions" тобу Ютуб каналына "Көчмөндөрдүн жери болгон Кыргызстанга кош кел" деген аталыштагы видео жарыялады.

"Дүйнөдөгү жүзүндөгү биздин бардык досторго салам! Сиздер дайыма Ча-Ча, Чики, Ля-Ля жана Бум-Бум каяктан экендигине жана кайда жашаарына кызыгып келгенсиздер. Алар Кыргызстандан! "Кыргызстан боюнча саякат кылуу тууралуу влог" деген саундтректен биздин мекенибиздин кереметин сезиңиздер", - деп жазылат андагы видеодо.

Белгилей кетсек, "D Billions" тобу өлкөдөн сырткары да кеңири белгилүү. Бул топтун каналына 30 миллионго жакын адам жазылган.