Жаңы үлгүдөгү акчаларды текшерүү үчүн "Кыргыз сом" мобилдик тиркемеси иштелип чыкты (видео)

Улуттук банк 2023-жылда чыккан жаңы банкноттордун коргоо элементтерин интерактивдүү форматта көрсөтүү максатында "Кыргыз сом" мобилдик тиркемесин иштеп чыкты. Бул тууралуу кечээ, 15-майда мекемеден билдиришти.

Маалымдалгандай, тиркеме жаңы 5-сериядагы банкноттордун коргоо элементтерин жарыкка салып кароодо, жантайтып кароодо жана чоңойтуп көрсөткөн айнек (лупа) менен кароодо кантип текшерип алууну көрсөтөт.

“Банкнотту сканерден өткөрүүгө смартфондун камерасы колдонулат. Мобилдик тиркемени AppStore жана Google Play колдонмолору аркылуу жүктөп алууга болот”, - деп билдирет маалыматта.

Белгилей кетсек, Улуттук банк мобилдик тиркеме 2023-жылда чыккан валютанын банкнотторунун коргоо элементтери менен таанышуу максатында гана иштелип чыккандыгын эскертет. Ошондой эле банкноттордун аныктыгын текшербей тургандыгын кошумчалаган.