Эртең Бишкектин айрым райондорунда таза суу өчүрүлөт

Эртең, 17-майда Бишкектин айрым райондорунда ичүүчү суу убактылуу токтотулат. Бул тууралуу бүгүн, 16-майда Бишкек мэриясынан билдиришти.

Маалыматка ылайык, 17-майда саат 9:00дөн 24:00гө чейин турак үйлөрдө, мектептерде, балдардын мектепке чейинки уюмдарында, саламаттыкты сактоо объекттеринде жана башка социалдык-тиричилик багыттагы жана өнөр жай объекттеринде ичүүчү сууну берүү токтотулат.

Өчүрүү району:

- Аламүдүн суусу – темир жол тилкеси – 7-Апрель – Салиева көчөлөрү.
- Фрунзе – Курманжан датка – Шабдан баатыр – Лермонтов көчөлөрү.
- Лермонтов көчөсүнүн батыш тарабы Шабдан баатыр проспектисинен тартып Жибек-Жолу проспектисине чейинки бөлүгү.

Белгилей кетсек, шаардык суу түтүк тармактарына оңдоо иштерин жүргүзүүгө байланыштуу суу өчүрүлөт.