Ошто коомдук тамактануучу жайлар текшерилүүдө

Ош шаарында коомдук тамактануучу жайларда санитардык ченемдердин сакталышына көзөмөл күчөтүлдү. Бул тууралуу Ош мэриясынан билдиришти.

Маалыматка ылайык, Ош шаардык санитардык-эпидемиологиялык көзөмөлдөө бөлүмүнүн адистери коомдук тамактануучу жайларда санитардык эрежелердин так сакталуусун текшерип, түшүндүрүү иштерин жүргүзүштү. Ал эми мыйзам бузуулар аныкталган менчик ээлерине тиешелүү протоколдук эскертүүлөр берилди.

Мындай көзөмөлдөө иштери күчөтүлгөн тартипте уланат.