Талас РИИБинин жаңы имаратына капсула салынды

Талас райондук милициясынын жаңы имаратынын курулушуна капсула салынды. Бул тууралуу бүгүн, 20-майда облустук милициядан билдирди.

Маалыматка ылайык, иш-чарага ички иштер министринин орун басарлары Октябрь Урмамбетов, Сүйүнбек Ниязбеков, Талас ОИИБинин башчысынын орун басары Зорбек Ибраимов, Талас РИИБинин башчысы Нурдин Чолпонкулов катышты.

"Жаңы имарат милиция бөлүмүнүн арткы тарабына курулуп баштады. Имараттын бир тарабындагы узундугу 18, экинчи тарабындагы узундугу 16, кенендиги 6 метрди түзөт. 2 кабаттуу имараттын жалпы аянты 423 чарчы метрди түзүп, 14 бөлмөдөн турат. Милиция бөлүмүнүн эски имараты толугу менен оңдоп-түзөөдөн өткөрүлүп, жаңы салынып жаткан имарат менен кошулат", - деп айтылат билдирүүдө.

Курулуш иштери Ички иштер министрлиги тарабынан каржыланары кошумчаланды.