Кытайга өрүк жана шабдалы экспорттолот

Кыргызстандан өрүк жана шабдалы жемиштери Кытайга экспорттолот. Маалыматты Суу ресурстары, айыл чарба жана кайра иштетүү өнөр жай министрлиги кабарлады.

Бул боюнча министрлик менен Кытайдын Башкы бажы башкармалыгынын ортосунда протокол даярдалууда.

Ага ылайык, Кытайдын адистери өлкөдөгү өрүк жана шабдалы жемиштери өскөн дарактарды жана сактоочу, таңгактоочу жайларды текшерет. Анын жыйынтыгы боюнча экспорттоого уруксат алынган бактардын реестри түзүлөт.

Министрлик өрүк жана шабдалыны экспорттоо менен алектенген бардык айыл чарба өндүрүүчүлөрдү кызматташууга чакырат.

Толук маалымат алуу үчүн байланыш номерлер: 0312 620292, 0312 620842.