Ырчы Жылдыз Тутуева Эл аралык “Манас” аэропортунда көзөмөлдөө постунда иштөөдө

Сакадай бою сары алтын ырчы Жылдыз Тутуева учурда Эл аралык “Манас” аэропортунун көзөмөлдөө постунда иштеп жатат. Бул тууралуу бүгүн, 24-декабрда ырчы айым SUPER.KG порталына билдирди.

“Учурда Эл аралык “Манас” аэропортунда КМШ өлкөлөрү боюнча учкан жүргүнчүлөрдү көзөмөлдөө постунда иштеп жатам. Иштегениме 2 айдан ашты. Буюрса, көнүп да калдым. Учурда эмгек өргүүсүнө чыгып, жумуш башталганча деп жаңы ырларды жаздырып, клиптерди тарттырып, жаңы жылдык көрсөтүүлөргө тартылып, иш-чараларга катышып чыгармачылыгыма көңүл буруп жатам”,- дейт. 

Эске салсак, Жылдыз Тутуева буга чейин КРнын Чек ара кызматында музыкант болуп эмгектенип келген.