Парижде өтө турган Жаңы жылдык жарманкеде туристтерге максым берилет

Франциянын Париж борборунда өтө турган Жаңы жылдык жарманкесинде европалыктарга жана чет өлкөлүк туристтерге максым берилет жана кыргыз улуттук кийизден жасалган буюмдар көрсөтүлөт. Бул тууралуу бүгүн, 24-декабрда КРнын Тышкы иштер министрлигинин басма сөз кызматы билдирди.

“Жаңы жылдык жарманке 19-декабрдан 2014-жылдын 5-январына чейин өтөт. Рождество жана Жаңы жыл майрамына карата Парижге дүйнө жүзүнөн көптөгөн туристтер келишет. Алар жарманкеде улуттук суусундугубуздан гана даам татпастан, кыргыздын буюмдары, тарыхы жана маданияты менен тааныша алышат",- деп басма сөз кызматы кабарлады.