Супер-Инфо
super.kg видео
Кечээ, 24-декабрда “Супер-Инфо” гезитинин тандоосу боюнча “Жылдын мыкты ыры” наамынын ээси Гүлжигит Сатыбеков концертинде бриллиант көздүү шакек ойнотту (фоторепортаж)
Алып баруучулук милдетти Жеңишбек Айтиев менен Мунара Алимжан кызы колго алды.
Алып баруучулук милдетти Жеңишбек Айтиев менен Мунара Алимжан кызы колго алды.
Аяз ата куудул Абды Кадырматов болсо, Аяз кыз Назира Бердигулова болду.
Ырчы алгач күйөрмандары менен учурашып, концерттин кеч башталганы үчүн кечирим сурады. Андан соң гана ырга кезек берилди.
Гүлжигит Сатыбековдун кайрымдуулук иштерин уюшутуруп келгени ушул кечте белгилүү болду. Бишкектеги "Алтын уя" балдар үйүнөн келген өкүлдөр ырчыга жана анын продюсерине ыраазычылыгын айтышты. Кошумчалай кетсек, концертке дал ошол балдар үйүнөн 100 бала акысыз киргизилген.
Конок катары ырдагандардын катарында "Кеңеш" тобу да болду.
Аяз ата менен Аяз кыз залда олтургандар үчүн оюн уюшутуруп, узатылган суроолорго туура жооп берген күйөрмандарга белек тартуулашты.
Ырчы кезектеги чыгармасын берилүү менен аткарып жатат.
"Супер-Инфо" гезитинин версиясы боюнча "Жылдын супер дебюту" наамынын ээси Жоодарбешим өзүнө ийгилик алып келген "Өкүнбө" ырынан бир куплет гана ырдады. Ал чыгармачылыктагы байкесинин концертине башка ыр камдап келиптир.
Байыртадан келе жаткан өнөр "Сармерден". Гүлжигит башында турган жигиттердин тобу кыздарды ыр менен "чымчып" жатат.
Кыздар өз кезегинде жооп кайтарып, жигиттерди бир топ оңтойсуз абалга кептеп койду.
Кеченин экинчи бөлүгү кызыктарга бай болду десек болот. Ырчы аккордеонун колго алып, өзүнүн репертуарындагы ырларын кезек-кезеги менен аткарып жатты.
Ата-энесинин жолдун узактыгына карабай Бишкекке келип, концертке күбө болуп жаткандардын арасында отурганын ырчы башта сөзүнө аралаштырып айткан эле. Концерттин экинчи бөлүгүндө алар сахнага чакырылышты. Атасы калың элге: "Гүлжигит менин уулум эле, эми ал силердин уулуңар" деп кайрылуу жасады.
Ырчынын концерттери буга чейин автоунаа ойнотулганы менен белгилүү болчу. Бул жолу бриллиант көздүү шакек ойнотулду. Шакек "Алтын уя" балдар үйүнүн балдарына тийди.
Конок катары чакырылган ырчы Данияр Эрматов күйөрмандарына ыр белек сунду.
Гүлжигит жаш ырчы Асел Болотбекова менен дуэт аткарууда.
Ырчы көптөгөн чыгармаларын бийчилердин коштоосунда аткарып жатты.
Ырчы "Лейлектик кызга" ырын аткарууда. Ушул учурда куудул Жаңыл Бекбоева сахнага чыга келди. Алып баруучу Жеңишбек Айтиев аны коштоп, бийлөөгө өттү.
Концерт ырчынын репертуарындагы белгилүү хиттердин бири "Лейлектик кызга" аттуу чыгарма менен аяктады.
Гүлжигит Сатыбековдун жеке концертине күбө болуу үчүн келген күйөрмандар залдын дээрлик 90 пайызын ээледи.
Кечээ, 24-декабрда Спорт Ордосунда “Супер-Инфо” гезитинин тандоосу боюнча "Мен сенден кетейинчи" аттуу ыры менен “Жылдын супер ыры” наамына ээ болгон ырчы Гүлжигит Сатыбековдун концерти
болду. 4 саатка созулган концертте ырчынын аткаруусунда ырлар жаңырды. Мындан сырткары конок катары чакырылган бир катар ырчылар да өз өнөрлөрүн тартуулашты.
Автор: Максат Кудайбердиев
Концерттин башкы окуясы - ырчы мырзанын ата-энесинин эл алдына чыкканы болду. Андан тышкары Аяз ата менен Аяз кыз ырчы тууралуу узатылган суроолорго туура жооп берген күйөрмандарга белектерди ыйгарышты. Гүлжигиттин таржымалын, канча бир тууган экенин, ал кайсы окуу жайды аяктаганын так билгендер үчүн бул ийгиликтүү оюн болду. Оюндун аягында алар 20-катарда 23-орунда отурган бактылуу киши бриллиант көздүү шакектин ээси болорун жарыялашты. Бул орундарда отургандыгын тастыктаган билети жок кишилер сахна жакка каттап жатышты. Акыры "Алтын уя" балдар үйүнөн келген жаш бала чыгып, айтылган орунда отурганын айтып, шакектин ээси болуп калды.
Г.Сатыбеков жеке концертин берди
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:14
2025-07-04
19:23
2025-07-02
17:23
2025-07-02
Рейтинг: 
1
1
1. Жалаң баш тамгалар менен жазууга тыюу салынат.
2. Кимдир-бирөөнү мазактоого, кемсинтүүгө жол жок.
3. Жеке айтышууларга жол берилбейт.
концертти бутуруп туруп алаканды аябай чаап, эн сонун эс алганынар учун ыраазычылыгынарды билдирип туруп анан кетиш керек болчу
Гулжигит байкенин ырларына баа берем.Автору,аткаруучусуда боло алган ырчылар саналуу эле бизде.Жеке мага жакпаган ыры жок, баарын жадабай угам.
дагы жакшы ырларды кутобуз !