Министрлик Тоңдо чагылгандан өлгөн койлор боюнча маалымат берди

Тоң районунун Жазы-Кечүү жайлоосуна түшкөн чыгылгандан улам өлгөн койлорду көмүү жана залалсыздандыруу иштери жүргүзүлүп жатат. Бул туурасында Суу ресурстары, айыл чарба жана кайра иштетүү өнөр жайы министрлиги кабарлады.

Министрлик аталган жумуштарды аткаруу үчүн комиссия түзүлгөнүн белгиледи.

"Эпизоотиялык абал туруктуу жана кошумча маалымат берилет" дешти аталган кызматтан.

Буга чейин Жазы-Кечүү жайлоосуна чыгылган түшүп, анын кесепетинен 250 баш кой өлгөнү маалымдалган. Окуя кечээ, 7-июлда саат 17:00 чамасында болгон.