Жо Байден президенттик шайлоого катышпай турганын билдирди

АКШнын учурдагы президенти Жо Байден күзүндө өтө турчу шайлоого катышпай турганын билдирди. Бул тууралуу ал Х социалдык баракчасына жазды.

"Сиздердин президентиңер болуп кызмат кылуу – жашоомдогу эң чоң сыймык болду. Шайлоо жарышынан четтеп, милдетимди мөөнөтүмдүн аягына чейин аткарууга болгон күчүмдү жумшасам партиямдын да, өлкөмдүн да кызыкчылыгына кызмат өтөгөн болом", - деп жазган Байден.

Президент кабыл алган чечиминин себептери тууралуу алдыдагы жумада элге жасай турган кайрылуусунда кененирээк кеп кыларын билдирди.

Ошондой эле ал вице-президент Камала Харристин талапкерлигин колдой турганын жазды.