Орусияда чек арадагы дагы бир райондун тургундары эвакуацияланды  

Украинанын куралдуу күчтөрү өткөн аптада чабуулун баштаган Орусиянын Курск облусуна коңшу Белгород облусунун Красная Яруга районунун жайкын тургундарынын дээрлик баары эвакуация болду. Бул тууралуу бүгүн 13-августта аймактын губернатору Вячеслав Гладков билдирди.

"11 миң адам райондон чыгып кетти. Азыркы кезде миңге жакын адам убактылуу жайда жашап жатат", - деп жазды ал Telegram каналына.

Буга чейин Курск облусунун губернаторунун милдетин аткаруучу Алексей Смирнов аймактагы 180 миңдей жаран эвакуацияланууга тийиш экенин билдирген.

Gazeta.ru билдиргендей, 12-августка карата Курск облусунун чек ара аймактарында 120 миңден ашуун адам үйлөрүн таштап кетишкен.

Белгилей кетсек, Украин аскерлери Курск облусуна 6-августта кирип барган.