Кыргыз жараны Орусиядан Казакстанга экстрадицияланды

Кыргыз жараны Орусиядан Казакстанга экстрадацияланды. Бул тууралуу Казакстандын Башкы прокуратурасы кабарлады.

"Кыргызстандын жараны өзгөчө ири өлчөмдө баңгизатын мыйзамсыз алып жүргөндүгү үчүн кылмыш жоопкерчилигине тартуу үчүн Орусиядан экстрадицияланды", - деп айтылат Казакстандын Башкы прокуратурасынын билдирүүсүндө.

Кыргыз жараны өткөн жылдын июнь айында бир топ адам менен алдын ала сүйлөшүп алып, бир нече өлкөлөрдүн аймактары аркылуу жалпы салмагы 60 килограммга жакын героинди жана 10 килограммдан ашык гашишти мыйзамсыз алып өтүүнү уюштурганы айтылды.

Тергөөнүн жүрүшүндө шектүүгө эл аралык издөө жарыяланган. Өткөн жылдын август айында ал Москвада кармалып, андан кийин Казакстандын Башкы прокуратурасынын өтүнүчү менен Казакстанга экстрадицияланган.

Учурда шектүү СИЗОго киргизилди. Ал мүлкүн конфискациялоо менен өмүр бою эркинен ажыратылышы мүмкүн экенин Казакстандын Башкы прокуратурасы кошумчалады.