Кыргызстан менен Ооганстан товар жүгүртүүнү көбөйтүүнү талкуулашты

Кечээ, 29-августта Термез шаарында Экономика жана коммерция министринин орун басары Назарбек Малаев менен Ооганстандын өнөр жай жана соода министринин милдетин аткаруучу Нуриддин Азизий жолугушту. Бул тууралуу аталган министрликтен билдиришти.

Маалымдалгандай, тоо-кен, нефтини кайра иштетүү жана башка тармактарда кызматташуу, ошондой эле товар жүгүртүүнү жогорулатуу маселелери талкууланды.

Ошондой эле Азизийдин Кыргызстанга боло турган сапары тууралуу сөз болду.