Жо Байден дагы бир жолу Түштүк Кореяны Түндүк Корея менен чаташтырды

АКШнын президенти Жо Байден дагы бир жолу ката сүйлөп, Түндүк Кореяга бул өлкөдө компьютер чиптерин чыгаруу маселесин талкуулоо үчүн барганын айтты. Анын сүйлөгөн сөзүн америкалык телекомпаниялар көрсөтүштү.

"Мен бүткүл дүйнөнү кыдырдым. Түндүк Кореядан баштап, Түштүк Кореядан баштап башка өлкөлөргө компьютер чип заводдорун ачууну сүйлөшүү үчүн бардым", - деген Байден Висконсин штатында сүйлөп жатып.

Бул Байдендин Корея аралдарын биринчи жолу чаташтыруусу эмес. Буга чейин Байден Орусияга каршы санкцияны колдогон өлкөлөрдүн катарында Түштүк Кореянын ордуна Түндүк Кореяны атаган. Бирок чындыгында Түндүк Корея орус экономикасына чектөө киргизген эмес.

Бул Жо Байдендин эл алдына чыгуу учурунда ыңгайсыз кырдаалдарга биринчи жолу туш болгон учуру эмес. 81 жаштагы АКШ президенти буга чейин бир нече жолу вице-президент Камала Харристи президент деп атаган. Ошондой эле орус лидери Владимир Путиндин атын туура эмес айтып, Сирияны Ливия менен, Иракты Иран менен чаташтырган.