Ташкентте концертте массалык мушташ чыкты (видео)

Ташкентте Macan жана Xcho аттуу ырчылар бекер концерт коюп, анда массалык мушташ чыкты. Бул тууралуу өзбек басылмалары жазышууда.

Бекер концертти көрүүнү каалагандар кире бериштеги тосмолорду бузуп, бири-бирин жыгышты. Андан кийин концерт болуп жаткан убакта да мушташкан.

Борбор калаанын ички иштер башкармалыгы интернетте тараган коомдук тартипти бузган видеолорго комментарий берди. Укук коргоо органдары мушташка катышкан беш жашы жете элек баланын ата-энесине административдик 47-берене (Балдарды тарбиялоо жана окутуу боюнча милдеттерди аткарбоо) боюнча протоколдор түзүлгөнүн билдирди.