Израил менен Иорданиянын чек арасында ок атылып, үч киши каза болду

Израил менен Иорданиянын чек арасындагы "Алленби" көзөмөл-өткөрүү пунктунда болгон атышуудан үч киши каза болгон. Бул тууралуу чет элдик басылмалар жазышууда.

Маалыматка ылайык, Иорданиядан келген жүк ташуучу унаанын айдоочусу өткөрмө бекетте израилдик жумушчуларга ок чыгарган.

Тез жардам кызматкерлери жабырлануучуларды сактап калууга аракет кылышкан, бирок алар каза болуп калышкан.

Полиция ошондой эле көрүлгөн каршы чаралардын натыйжасында кол салган адам жок кылынгандыгын билдирген.