Президент Садыр Жапаров Астанага барды (сүрөт)

Бүгүн, 8-сентябрда президент Садыр Жапаров иш сапары менен Астана шаарына барды. Бул тууралуу президенттин маалымат кызматынан билдиришти.

Маалым болгондой, мамлекет башчысынын борту Казакстандын баш калаасындагы эл аралык аэропортко конду.

Президент Садыр Жапаровду Казакстандын премьер-министри Олжас Бектенов жана башка расмий адамдар тосуп алышты.

Эл аралык аэропортто килем төшөлүп, баатырлар тизилди.

Эске салсак, иш сапардын алкагында президент Садыр Жапаров Бешинчи Дүйнөлүк көчмөндөр оюндарынын ачылыш аземине катышат.