Украинанын дрондору Румынияга кирип кетип, истребителдер көтөрүлдү

Кечээ, 8-сентябрда эртең менен Украина тараптан учуп келген учкучсуз учуучу аппараттар Румыниянын аба мейкиндигин бузду. Бул тууралуу Румыниянын Коргоо министрлигинин расмий сайтына жарыяланды.

"Мындан улам түнкү саат 02:25тен баштап Румыниянын Аскердик аба күчтөрүнүн эки F-16 истребители Борседеги 86-аба базасынан учуп чыкты", - деп белгилейт аскердик ведомство.

Румыниянын Коргоо министрлиги истребителдер ​​абадагы абалды көзөмөлдөп, саат 04:08де базага кайтып келгенин белгиледи.

Дрондор Румыниянын аба мейкиндигине кирип, кайра Украина тарапка учуп кеткен.