Көчмөндөр оюндары: Кыргызстандын көк бөрүчүлөрү Өзбекстандын курамасын 12:6 эсебинде утту

Бүгүн, 9-сентябрда Астана шаарында өтүп жаткан V Дүйнөлүк көчмөндөр оюндарында көк бөрү боюнча мелдештин алгачкы оюндары жыйынтыкталды.

Кыргызстан курама командасы алгачкы беттеште Өзбекстандын көк бөрүчүлөрүн 12:6 эсебинде утап алды.

Көк бөрү боюнча курама команданы машыктыруучу Жолдошбек Орозбаев баштап барган.

• Рустам Тыналиев;
• Дастан Русланов;
• Нурдин Болотбеков;
• Кыязбек Ниязов;
• Сейитбек Анарбек уулу;
• Арген Абдылдаев;
• Тойчубек Жыргалбек уулу;
• Нуржан Мелисбек уулу;
• Фархатбек Бейшекеев;
• Искак Бекболот уулу;
• Бексултан Абдукалил уулу;
• Эржан Тургунбаев.

Белгилей кетсек, бүгүн, 9-сентябрда Дүйнөлүк көчмөндөр оюндарында жер улактан (көкпар) кыргыз курама командасы монголиялык атаандаштарын 16:0 эсебинде уткан.