"Дээрлик үй-бүлө". Түркияда дайынсыз жоголгон кыздын сөөгү табылгандан кийин 23 адам кармалды

Түркиянын Диярбакыр провинциясында 19 күндүк издөөдөн кийин сегиз жаштагы Нарин Гуран аттуу кыздын жансыз денеси табылды. Полиция кыздын жакындарын, анын ичинде апасын, атасын, агасын, таякелерин жана алардын аялдарын кармаганын түркиялык басылмалар жазышты.

Маалыматка ылайык, кыз диний курстардан кийин үйүнө кайтып келген эмес. Алгач үй-бүлө кызды өз алдынча издеп башташкан, бирок көп өтпөй атасы жардам сурап полицияга кайрылган. Кыздын жансыз денеси 8-сентябрда туулган айылынан эки чакырым алыстыкта ​​таш жана бутактар ​​менен жабылган абалда табылган. Учурда өлүмдүн так себеби аныктала элек.

Биринчилерден болуп кыздын агасы кармалган. Анын колунда тиштеген тактар ​​табылган. Бирок Стамбулда жүргүзүлгөн соттук-медициналык экспертизанын жыйынтыгында из калтырган Нарин Гуран эмес экени аныкталган. Кыздын ДНКсы агасы Салим Гурандын унаасынан табылган. Ал киши WhatsAppтагы бардык жазууларын өчүрүп салган. Түрк бийлиги билдирүүлөрдү калыбына келтирүү үчүн META менен байланышканы кабарланды.

Полиция бул кылмышка шектүү катары жалпы 23 адамды кармады. Учурда тергөө иштери уланып жатат.