Кыргызстанга ЖККУга мүчө мамлекеттердин парламенттеринин өкүлдөрү келишти

Беларусь, Казакстан, Орусия жана Тажикстандын парламенттеринин өкүлдөрү Бишкекке келишти. Бул тууралуу бүгүн, 10-сентябрда Жогорку Кеңештин басма сөз кызматынан билдирди.

Маалыматка ылайык, бүгүн ЖККУнун Парламенттик Ассамблеясынын (ПА) кеңешине караштуу ЖККУга мүчө мамлекеттердин парламенттеринин коргоо жана коопсуздук боюнча комитеттеринин төрагаларынын Координациялык кеңешмесинин жыйыны болот.

Ага чейин Жаматтык коопсуздук жөнүндө келишим уюмуна (ЖККУ) мүчө-мамлекеттердин парламенттеринин өкүлдөрү Жеңиш аянтындагы Өчпөс отко гүл коюшту.

Эртең Координациялык кеңешменин мүчөлөрү Балыкчы шаарында өтүүчү ЖККУнун "Өз ара аракеттенүү - 2024" биргелешкен командалык штабдык машыгуусуна байкоочу катары катышат.