Президент Дин иштери боюнча мамлекеттик комиссияга жаңы директор дайындады  

Дин иштери боюнча мамлекеттик комиссиянын директору болуп Азамат Юсупов дайындалды. Бул тууралуу бүгүн, 10-сентябрда президенттин басма сөз кызматынан билдирди.

Маалыматка ылайык, тиешелүү жарлыкка өлкө башчы Садыр Жапаров кол койду.

"Юсупов Азамат Маматович мурда ээлеген кызмат ордунан бошотулуп, Дин иштери боюнча мамлекеттик комиссиянын директору болуп дайындалды", - деп айтылат маалыматта.

39 жаштагы Юсупов буга чейин Дин иштери боюнча мамлекеттик комиссиянын директорунун орун басары болуп иштеп келген.

Белгилей кетсек, буга чейинки жетекчи Тойгонбай Абдыкаров 6-сентябрда өз арызынын негизинде кызматынан бошотулган.