Арзыбек Кожошев ЕАЭБдин жалпы энергетикалык рынокторун түзүү боюнча сүйлөшүүлөрдү өткөрдү

Евразия экономикалык комиссиясынын энергетика жана инфраструктура министри Арзыбек Кожошев Беларусиянын вице-премьер-министри Виктор Каранкевич жана энергетика министри Алексей Кушнаренко менен жолугушту. Бул туурасында мекеменин маалымат кызматы билдирди.

Маалымдалгандай, жолугушуу 9-сентябрда Минск шаарында орун алган.

Сүйлөшүүлөрдүн жүрүшүндө тараптар Евразия экономикалык биримдигинин жалпы энергетикалык рынокторун түзүүнүн актуалдуу маселелерин, анын ичинде газдын, мунайдын жана нефть продуктыларынын жалпы рынокторун түзүү жөнүндөгү эл аралык келишимдерди макулдашуунун айланасында пикир алышты.