Элчи Султанбаев Минскте Трансплантология борборуна барды

Кыргызстандын Беларустагы элчиси Эрбол Султанбаев Минск шаарындагы Хирургия, трансплантология жана гематология илимий-практикалык борборунун ишмердүүлүгү менен таанышты. Бул тууралуу ТИМден бүгүн, 11-сентябрда маалымдашты.

Ага ылайык, аталган борбордо органдарды трансплантациялоо боюнча операциялардын түрлөрү жасалат.

Акыркы жылдары борбордун материалдык-техникалык базасын жаңыртуунун натыйжасында бир катар жаңы медициналык корпустар курулуп, алдыңкы медициналык техникалар жана дүйнөлүк стандарттагы жабдуулар сатылып алынган.

Элчи Султанбаев жана борбордун директору Олег Руммо биргелешкен кызматташуу келечегин, анын ичинде тажрыйба алмашуу жана медицина адистеринин квалификациясын жогорулатуу маселелерин талкуулашты.