Зеленский Монголия Путинди камакка албай койгону боюнча билдирүү жасады

Украинанын президенти Владимир Зеленский монгол бийлигинин Орусия президенти Владимир Путинди республикага жасаган сапары маалында Эл аралык кылмыш сотунун (ЭКС) ордери боюнча камакка алуудан баш тартканы үчүн жоопкерчилик бүткүл дүйнөгө жүктөлөрүн билдирди.

Зеленский "Бириккен адилеттүүлүк" эл аралык конференциясында сөз сүйлөп жатып, Монголия Рим статутуна кол койгон өлкө экенин баса белгилеген.

"Рим статуту иштеши керек, бирок жакында эле Монголияда Путин үчүн өзгөчө жагдай болду. Ал эми бул жоопкерчилик кимдир бирөөнүн гана милдети эмес, бул бүткүл дүйнөнүн милдети", - деген Зеленский.

Путин Монголияга өлкөнүн президенти Ухнаагийн Хурелсухтун чакыруусу менен Халхин-Гол дарыясында советтик жана монгол аскерлеринин япон куралдуу күчтөрүн биргелешип жеңгендигинин 85 жылдыгына арналган салтанаттуу иш-чараларга катышуу үчүн барган.

Бул орус президентинин 2023-жылдын мартында сот аны Украинадан Орусияга балдарды өткөрүп берүү боюнча камакка алуу ордерин чыгаргандан бери Эл аралык соттун Рим статутуна кол койгон өлкөгө жасаган биринчи сапары.

Монголия Рим статутуна 2000-жылы кол коюп, 2002-жылы ратификациялаган.