Францияда тоонун чокусунан төрт туристтин сөөгү табылды

Франция тараптагы Альп тоосунун эң бийик чокусунан төрт чет элдик туристтин сөөгү табылды. Бул тууралуу чет элдик басылмалар жазышууда.

Independent порталынын маалыматына караганда, алардын экөө Италиянын жана экөө Түштүк Кореянын жарандары. Алар 7-сентябрда түштөн кийин куткаруучуларга телефон чалып, аба ырайынын начарлашынан улам тоого тыгылып калганын билдиришкен. Куткаруучулар альпинисттерге жетүүгө аракет кылышкан, бирок аба ырайы аларга жетүүгө мүмкүнчүлүк берген эмес.

Аба ырайы нормалдуу болуп, куткаруу операциясын жүргүзүүгө мүмкүнчүлүк бергенде, топ дайынсыз жоголгондорду издөөгө киришти. Төрт турист сөөгү 4700 метр бийиктиктеги Монблан чокусуна жакын жерден табылган.

Француз бийликтери трагедиялуу окуя боюнча иликтөө иштерин баштады.