Бишкекте үй-бүлөсүнө зомбулук көрсөткөн жаран кармалды

Бишкекте үй-бүлөсүнө тынчтык бербей, зомбулук көрсөткөн жаран кармалды. Бул туурасында Ленин РИИБинин басма сөз кызматы билдирди.

Маалымдалгандай, 24-сентябрда милицияга Л.М. аттуу аял арызы менен кайрылган. Анда, ошол эле күнү болжол менен саат 21:00 чамасында Ак-Кула көчөсүндө жайгашкан үйүнөн жолдошу оозго алгыс сөздөр менен сөгүп, тынчтык бербей жатканын билдирип, ага карата чара көрүүнү өтүнгөн.

Текшерүүнүн жүрүшүндө милиция кызматкерлери 1990-жылы туулган О.Д. аттуу жаранды аныкташкан.

Ага карата укук бузуулар кодексинин 70-беренесине (Үй-бүлөлүк зомбулук) ылайык протокол түзүлүп, убактылуу кармоочу жайына киргизилген.